ഝാര്‍ഖണ്ഡിലെ ദുംക ജില്ലയിലെ ബാഗ്‌ഹോപ ഗ്രാമത്തില്‍ 26 കാരിയായ യുവതി ട്രയിന് മുന്നില്‍ ചാടി ആത്മഹത്യ ചെയ്തതായി പൊലീസ്. സെന്തോ ദേവി എന്ന യുവതി ദസറയ്ക്ക് ഭര്‍ത്താവ് സാരി സമ്മാനിക്കാത്തതില്‍ ദുഃഖിതയായിരുന്നുവെന്നും അവര്‍ പറഞ്ഞു.
ദസ്‌റയോടനുബന്ധിച്ച് ട്രാക്ടര്‍ ഡ്രൈവറായ തന്റെ ഭര്‍ത്താവിനോട് യുവതി ഒരു പുതിയ സാരി ആവശ്യപ്പെട്ടിരുന്നെങ്കിലും അദ്ദേഹത്തിന് അത് സാധിച്ച് കൊടുക്കാന്‍ കഴിഞ്ഞില്ല. ഇതാണ് ഈ ദുസാഹസം ചെയ്യാന്‍ യുവതിയെ പ്രേരിപ്പിച്ചതെന്നും പൊലീസ് പറഞ്ഞു.
പ്രായപൂര്‍ത്തിയാകാത്ത രണ്ട് കുട്ടികളുടെ അമ്മ കൂടിയാണ് യുവതി.
മൃതദേഹം പോസ്റ്റ്‌മോര്‍ട്ടത്തിന് അയച്ചെന്നും അന്വേഷണം പുരോഗമിക്കുകയാണെന്നും പൊലിസ് ഉദ്യോഗസ്ഥന്‍ പറഞ്ഞു.