കോട്ടയം മെഡിക്കല് കോളജ് ആശുപത്രിയില്നിന്നു നവജാത ശിശുവിനെ തട്ടിയെടുത്ത യുവതിയുടെ സുഹൃത്ത് ഇബ്രാംഹിം ബാദുഷയെ ഇന്ന് കോടതിയില് ഹാജരാക്കും.
ഏറ്റുമാനൂര് ഫസ്റ്റ് ക്ലാസ് ജുഡീഷ്യല് കോടതിയിലാണ് ഹാജരാക്കുക. കേസിലെ പ്രധാന പ്രതി നീതുവിന്റെ പരാതിയില് ഇയാള്ക്കെതിരേ വഞ്ചനാക്കുറ്റവും ഗാര്ഹിക ബാലപീഡന വകുപ്പുകളും ചുമത്തി കേസെടുത്തിരുന്നു.
തന്നേയും ഏഴു വയസുകാരന് മകനേയും ഇബ്രാഹിം പണത്തിന് വേണ്ടി ഉപദ്രവിച്ചെന്നും തന്റെ മുപ്പത് ലക്ഷം രൂപയും സ്വര്ണ്ണവും ഇയാള് കൈക്കലാക്കിയെന്നും ആരോപിച്ചുള്ള നീതുവിന്റെ പരാതിയുടെ അടിസ്ഥാനത്തിലാണ് കേസ് എടുത്തിരിക്കുന്നത്. ഈ മാസം 21 വരെ റിമാന്ഡിലായ നീതു വനിതാ ജയിലിലാണുള്ളത്.
English Summary: Ibrahim Badusha will be produced in court today