തിരുവനന്തപുരം ബേക്കറി ജംഗ്ഷനിലെ വീട്ടിലേക്ക് അതിക്രമിച്ച് കടന്ന പൊലീസുകാരന് നാട്ടുകാരുടെ വക മര്‍ദനം. ടെലി കമ്മ്യൂണിക്കേഷൻ സിപിഒ ആർ ബിജുവിനാണ് മര്‍ദനമേറ്റത്. വീടിനുള്ളിൽ അപരിചിതനായ ആളെ കണ്ടതോടെ വീട്ടുകാര്‍ നിലവിളിച്ച് ആളെ കൂട്ടുകയായിരുന്നു. ഓടിക്കൂടിയ ചുട്ടുതൊഴിലാളികളും നാട്ടുകാരും ചേര്‍ന്ന് വീടിന് പുറത്തെത്തിച്ച് മര്‍ദിക്കുകയായിരുന്നു.
എന്തിനാണ് ഇയാള്‍ വീടിനുള്ളില്‍ കയറിയതെന്ന് വ്യക്തമല്ല. നടുറോഡിൽ വച്ച് വടി ഉപയോഗിച്ച് ക്രൂരമായി മർദിച്ചിട്ടുണ്ട്. ബിജുവിനെതിരെയും മർദിച്ചവർക്കെതിരെയും മ്യൂസിയം പൊലീസ് കേസെടുത്തു. മദ്യപിച്ച് സമാന പ്രവൃത്തികളിലേര്‍പ്പെടുകയും നിരന്തരം ജോലിക്ക് ഹാജരാകാതെ നടക്കുകയും ചെയ്യുന്ന ബിജുവിനെതിരെ വകുപ്പുതല നടപടികളും നടക്കുകയാണ്.
English Sammury: Intruded into the house; policeman was assaulted by those who heard the screams
