ബരാക് താഴ്വരയിലെ കരിംഗഞ്ച് ജില്ലയുടെ പേര് ശ്രീഭൂമി എന്ന് പുനർനാമകരണം ചെയ്യാൻ അസ്സം സർക്കാർ തീരുമാനിച്ചതായി മുഖ്യമന്ത്രി ഹിമന്ദ് ബിശ്വ ശർമ പറഞ്ഞു. സംസ്ഥാന മന്ത്രി സഭാ യോഗത്തിലാണ് തീരുമാനമെന്നും ശർമ്മ വാർത്താ സമ്മേളനത്തിൽ പറഞ്ഞു.
100 വർഷം മുൻപ് കബിഗുരു രബീന്ദ്രനാഥ് ടാഗോർ കരിംഗഞ്ച് ജില്ലയെ ശ്രീ ഭൂമി, അതായത് മഹാലക്ഷ്മിയുടെ ഭൂമി എന്നാണ് വിശേഷിപ്പിച്ചത്. ഇന്ന് അസ്സം മന്ത്രിസഭയ്ക്ക് നമ്മുടെ ജനങ്ങളുടെ ആവശ്യം നിറവേറ്റാൻ കഴിഞ്ഞുവെന്നും മുഖ്യമന്ത്രി പറഞ്ഞു.
ജില്ലയുടെ പുനർനാമകരണം ജനങ്ങളുടെ പ്രതീക്ഷകളുടെയും അഭിലാഷങ്ങളുടെയും പ്രതിഫലനമാണെന്നും അദ്ദേഹം പറഞ്ഞു.