തെലുങ്ക് ഉള്‍പ്പെടെ നിരവധി ഭാഷകളില്‍ പുറത്തിറങ്ങിയ അല്ലു അര്‍ജുന്റെ പുഷ്പ ചിത്രം കണ്ട് പ്രചോദനം ഉള്‍ക്കൊണ്ട് രക്തചന്ദനം കടത്താന്‍ ശ്രമിച്ചയാള്‍ പൊലീസ് പിടിയില്‍. ബംഗളൂരു സ്വദേശിയായ ട്രക്ക് ഡ്രൈവര്‍ യാസിന്‍ ഇനയിത്തുള്ളയാണ് ചന്ദനം കടത്തുന്നതിനിടെ അറസ്റ്റിലായത്. ചന്ദനവുമായി കര്‍ണാകടയില്‍ നിന്ന് മഹാരാഷ്ട്രയിലേക്ക് പോകും വഴിയാണ് ഇയാള്‍ പിടിയിലായത്.
2.45 കോടി രൂപ വിലമതിക്കുന്ന ചന്ദനത്തടി ട്രക്കില്‍ നിന്നും കണ്ടെത്തിയത്. ട്രക്കില്‍ രക്തചന്ദനം കയറ്റിയ ശേഷം മുകളില്‍ പഴങ്ങളും പച്ചക്കറി നിറച്ച പെട്ടികളും അടുക്കിവച്ച് കൊവിഡ് അവശ്യ ഉല്‍പ്പന്നങ്ങള്‍ എന്ന സ്റ്റിക്കറും ഒട്ടിച്ചായിരുന്നു തടികള്‍ ഇയാള്‍ കടത്തിയതെന്ന് പൊലീസ് പറയുന്നു.കര്‍ണാടക അതിര്‍ത്തി കടന്ന ഇയാളെ മഹാരാഷ്ട്ര പൊലീസാണ് പിടികൂടിയത്. പുഷ്പയില്‍ അല്ലു അര്‍ജുന്‍ സാഹസികമായി രക്തചന്ദനം കടത്തുന്ന കഥയാണ് പറയുന്നത്. ചിത്രത്തില്‍ രഷ്മിക മന്ദാനയാണ് നായിക. ബോക്സോഫീസില്‍ വമ്പന്‍ ഹിറ്റാണ് സിനിമ.
ENGLISH SUMMARY: Karnataka Sandalwood smuggling at Pushpa
You may also like this video
