കാട്ടാക്കടയില്‍ കെഎസ്ആർടിസി ജീവനക്കാര്‍ അച്ഛനെയും മകളെയും മര്‍ദ്ദിച്ച സംഭവത്തില്‍ ഒരാള്‍ കൂടി കസ്റ്റഡിയില്‍. മെക്കാനിക് അജികുമാറിനെയാണ് കസ്റ്റഡിയിലെടുത്തത്. കേസില്‍ ഇനി മൂന്നുപേരാണ് പിടിയിലാകാനുള്ളത്. ഡിപ്പോയിലെ സുരക്ഷാ ജീവനക്കാരനായ എസ് ആർ സുരേഷ് കുമാർ നേരത്തെ അറസ്റ്റിലായിരുന്നു.
കേസിലെ എല്ലാ പ്രതികളുടെയും മുൻകൂർ ജാമ്യാപേക്ഷ ഹൈക്കോടതി തള്ളിയിരുന്നു. ഇതിന് പിന്നാലെയായിരുന്നു ആദ്യ അറസ്റ്റ്. സെപ്റ്റംബർ 20 നാണ് ആമച്ചൽ സ്വദേശി പ്രേമനെ മകളുടെ മുന്നിലിട്ട് കെഎസ്ആർടിസി ജീവനക്കാർ മർദിച്ചത്. മകളുടെ യാത്രാ സൗജന്യത്തെ ചൊല്ലിയുടെ തർക്കമാണ് സംഘർഷത്തിൽ കലാശിച്ചത്. കുട്ടിയുടെ മുന്നിൽ വെച്ച് പിതാവിനെ മർദിക്കുന്നതിന്റെ വീഡിയോ പുറത്തുവന്നിരുന്നു.
English Summary: kattakada issue one more in custody
You may also like this video
