കൊല്ലങ്കോട് അമ്മയെയും മകനെയും കുളത്തിൽ മരിച്ച നിലയിൽ കണ്ടെത്തി

പാലക്കാട് കൊല്ലങ്കോട് നെന്മേനിയിൽ അമ്മയെയും മകനെയും മരിച്ച നിലയിൽ കണ്ടെത്തി. നെന്മേനിയിലെ കുളത്തിലാണ് ഇരുവരുടെയും മൃതദേഹം കണ്ടത്. നെന്മേനി പറശ്ശേരിയിൽ കലാധരന്റെ ഭാര്യ ബിന്ദു (40), മകൻ സനോജ് (12) എന്നിവരെയാണ് കല്ലേരിപൊറ്റയിലെ കുളത്തിൽ മരിച്ച നിലയിൽ കണ്ടെത്തിയത്. രാവിലെ കുളത്തിൽ കുളിക്കാൻ പോയതായിരുന്നു ഇരുവരുംയ

പതിനൊന്നരയോടെ കുളത്തിൽ കുളിക്കാനെത്തിയ ചില കുട്ടികൾ കടവിനോടു ചേർന്ന് ബിന്ദുവിന്റെ മൃതദേഹം കാണുകയായിരുന്നു. തുടർന്ന് വിവരമറിഞ്ഞെത്തിയ നാട്ടുകാർ കുളത്തിനു സമീപത്തായി കുട്ടിയുടെ വസ്ത്രങ്ങളും ചെരുപ്പുകളും കൂടി കണ്ടതോടെ അഗ്നിരക്ഷാസേനയെയും പൊലീസിനെയും വിവരം അറിയിക്കുകയായിരുന്നു. അഗ്നിരക്ഷാസേന കുളത്തിൽ നടത്തിയ പരിശോധനയിലാണ് സനോജിന്റെ മൃതദേഹം കണ്ടെടുത്തത്. ഇരുവരുടെയും മൃതദേഹങ്ങൾ പാലക്കാട് ജില്ലാ ആശുപത്രിയിലേക്ക് മാറ്റി.