വീടിന് തീപിടിച്ച് വീട്ടമ്മ മരിച്ചു. ഭര്‍ത്താവും മകനും പൊള്ളലേറ്റ് കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയില്‍. മണിമല പാറവിളയില്‍ രാജം(70) ആണ് മരിച്ചത്. ഭര്‍ത്താവ് ശെല്‍വരാജ്(76), മകന്‍ വിനീഷ്(30 എന്നിവര്‍ക്കാണ് പൊള്ളലേറ്റിരിക്കുന്നത്.
അര്‍ധരാത്രി 12.30ഓടെ വീടിന് തീപിടിക്കുകയായിരുന്നു. ഷോര്‍ട്ട് സെര്‍ക്ക്യൂട്ട് ആണ് കാരണമെന്ന് സംശയിക്കുന്നു. വിശദമായ പരിശോധന നടന്നുവരികയാണ്. ഇരുനില വീടിന്റെ താഴത്തെ നിലയിലായിരുന്നു രാജമ്മയും ശെല്‍വരാജും. രക്ഷാപ്രവര്‍ത്തനത്തിനിടെയാണ് വിനീഷിന് പൊള്ളലേറ്റത്. മുകളിലെ നിലയിലുണ്ടായിരുന്ന വിനീഷിന്റെ ഭാര്യയും രണ്ട് മക്കളും സുരക്ഷിതരാണ്. വീട്ടിലേക്ക് വഴിയില്ലാത്തതിനാല്‍ അഗ്നിശമന സേനയ്ക്ക് രക്ഷാപ്രവര്‍ത്തനം നടത്താന്‍ നന്നേ പ്രയാസപ്പെടേണ്ടിവന്നു. കോട്ടയം പാറവിള ഹോളി മാഗി ഫൊറോന പള്ളിക്ക് സമീപമാണ് അപകടമുണ്ടായ വീട്.
English Sammury: 70 years old women dead in kottayam house caught fire
