കുട്ടിക്കാനം മലയോര ഹൈവേയില്‍ കെ എസ് ആർ ടി സി ബസ് സ്‌കൂട്ടറില്‍ ഇടിച്ചുണ്ടായ അപകടത്തില്‍ തപാല്‍ ജീവനക്കാരന് പരിക്ക്. സ്‌കൂട്ടര്‍ യാത്രികനും കാഞ്ചിയാര്‍ തപാല്‍ ഓഫിസിലെ ജീവനക്കാരനുമായ മധുസൂദനന്‍ നായര്‍ക്കാണ് പരിക്കേറ്റത്.
കൊട്ടാരക്കര കട്ടപ്പന റൂട്ടിലോടുന്ന കെ എസ് ആർ ടി സി ബസ് എതിര്‍ദിശയിലേക്ക് തെന്നിമാറി സ്‌കൂട്ടറില്‍ ഇടിക്കുകയായിരുന്നു. തലക്ക് ഗുരുതര പരിക്കേല്‍ക്കുകയും കാലിന് ഒടിവും സംഭവിച്ച മധുസൂദനന്‍ നായര്‍ കട്ടപ്പന സ്വകാര്യ ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയിലാണ്.