കൊല്ലം ഓച്ചിറയിൽ കെഎസ്ആടിസി ബസും ഥാർ ജീപ്പും കൂട്ടിയിടിച്ചുണ്ടായ അപകടത്തിൽ കുട്ടികളടക്കം മൂന്ന് പേർക്ക് ദാരുണാന്ത്യം. ജീപ്പിലുണ്ടായിരുന്ന മൂന്ന് പേരാണ് മരിച്ചത്. ഇന്ന് പുലർച്ചെ 6.30നായിരുന്നു സംഭവം. ഇരു വാഹനങ്ങളും അമിത വേഗത്തിലായിരുന്നുവെന്ന് ദൃക്സാക്ഷികൾ പറഞ്ഞു. തേവലക്കര പൈപ്പ്മുക്ക് സ്വദേശികളാണ് മരിച്ചത്.
ഥാർ ജീപ്പിൽ കുടുങ്ങിയ ഡ്രൈവറെ പുറത്തെടുക്കാനുള്ള ശ്രമങ്ങൾ തുടരുകയാണ്. ഇയാൾ മരിച്ച നിലയിലാണ്. ജീപ്പിലുണ്ടായിരുന്ന ഒരു സ്ത്രീയെ കരുനാഗപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ബസിലുള്ളവർക്കും ഗുരുതര പരിക്കേറ്റിട്ടുണ്ട്.