കെഎസ്ആര്‍ടിസിക്ക് ആശ്വാസം. ബസുകളില്‍ പരസ്യം നിരോധിച്ച ഡിസംബര്‍ 12 ലെ ഹൈക്കോടതി ഉത്തരവ് സുപ്രീം കോടതി ഇടക്കാല ഉത്തരവില്‍ സ്റ്റേ ചെയ്തു. ജസ്റ്റിസുമാരായ സുര്യകാന്ത്, ജെ കെ മഹേശ്വരി എന്നിവരുള്‍പ്പെട്ട ബഞ്ചാണ് ഉത്തരവ് പുറപ്പെടുവിച്ചത്.
ഹൈക്കോടതി സ്വമേധയാ എടുത്ത കേസിലാണ് കെഎസ്ആര്‍ടിസി ബസുകളില്‍ പരസ്യം പാടില്ലെന്ന് ഉത്തരവുണ്ടായത്. ഒക്ടോബര്‍ 14 ലെ നിര്‍ദ്ദേശ പ്രകാരം കെഎസ്ആര്‍ടിസി ബസുകളില്‍ പരസ്യം വിലക്കി. ഡിസംബര്‍ 12 ലെ ഹൈക്കോടതി ഉത്തരവില്‍ ശബരിമല തീര്‍ത്ഥാടകര്‍ക്കായുള്ള നിലക്കല്‍-പമ്പാ റൂട്ടില്‍ പരസ്യം പതിച്ച ബസ്സുകള്‍ ഉപയോഗിക്കരുതെന്ന് പുതിയ ഉത്തരവുണ്ടായി. ഇതിനെതിരെ കെഎസ്ആര്‍ടിസി സമര്‍പ്പിച്ച പ്രത്യേകാനുമതി ഹര്‍ജിയിലാണ് സുപ്രീം കോടതി ഇടക്കാല ഉത്തരവ് പുറപ്പെടുവിച്ചത്.
English Summary: KSRTC: Stay on High Court order
You may also like this video
