ഉത്തര്പ്രദേശിലെ ലഖിംപുര് ഖേരിയില് കര്ഷകരെ കാര് കയറ്റിക്കൊന്ന കേസില് സുപ്രീംകോടതി ബുധനാഴ്ച വാദം കേള്ക്കല് തുടരും.കഴിഞ്ഞയാഴ്ച കേസ് പരിഗണിച്ചപ്പോള്, സര്ക്കാര് സമീപനത്തെ കടുത്ത ഭാഷയില് സുപ്രീംകോടതി വിമര്ശിച്ചതിനെ തുടര്ന്നാണ് കേന്ദ്ര ആഭ്യന്തര സഹമന്ത്രി അജയ് മിശ്രയുടെ മകനും പ്രതിയുമായ ആശിഷ് മിശ്രയെ അറസ്റ്റു ചെയ്യാന്തന്നെ യു.പി പൊലീസ് തയാറായത്.
രണ്ട് അഭിഭാഷകര് നല്കിയ കത്ത് ഹരജിയായി ഫയലില് സ്വീകരിച്ചാണ് ചീഫ് ജസ്റ്റിസ് എന്.വി. രമണയുടെ നേതൃത്വത്തിലെ മൂന്നംഗ ബെഞ്ച് വിഷയത്തില് ഇടപെട്ടത്.കൃത്യമായ അന്വേഷണം നടക്കാത്തതിനെയും മന്ത്രിയുടെ മകനോട് പ്രത്യേക മമത കാട്ടുന്നതിനെയും കോടതി ശക്തമായി വിമര്ശിച്ചിരുന്നു.
English Summary : lakshimpur farmers murdercase on supreme court today