നിലവിലുള്ള എൽഡി ക്ലാർക്ക് റാങ്ക് ലിസ്റ്റിൽ നിന്ന് 9,905 ഉദ്യോഗാർത്ഥികൾക്ക് നിയമന ശുപാർശ നൽകിയെന്ന് മുഖ്യമന്ത്രി പിണറായി വിജയൻ നിയമസഭയെ അറിയിച്ചു. പ്രതീക്ഷിത ഒഴിവുകൾ ഉൾപ്പെടെ 347 ഒഴിവുകളിലേക്ക് നിയമന ശുപാർശ നൽകുന്നതിനുള്ള നടപടി പുരോഗമിക്കുകയാണ്.
നിലവിലുള്ള റാങ്ക് പട്ടികയുടെ കാലാവധി ജൂലൈ 31ന് അവസാനിക്കുന്ന സാഹചര്യത്തിൽ എല്ലാ വകുപ്പുകളിലും ജില്ലാ ഓഫിസുകളിലും പ്രത്യേക പരിശോധന നടത്തി ഒഴിവുകൾ റിപ്പോർട്ട് ചെയ്യിപ്പിക്കുന്നതിന് നടപടി സ്വീകരിക്കുവാൻ ഉദ്യോഗസ്ഥ ഭരണ പരിഷ്കാര വകുപ്പിനെ ചുമതലപ്പെടുത്തിയതായും അദ്ദേഹം ചോദ്യാേത്തരവേളയില്‍ പറഞ്ഞു.