കർണാടകയിൽ നേരിയ ഭൂചലനം

കർണാടകയിൽ നേരിയ ഭൂചലനം. ബാഗൽകോട്ട്, വിജയപുര, ബെലഗാവി ജില്ലകളിൽ രാവിലെ 6.22 നാണ് റിക്ടർ സ്കെയിലിൽ 4.4 രേഖപ്പെടുത്തിയ ഭൂചലനമുണ്ടായത്.

ചില വീടുകളിൽ വിള്ളലുണ്ടായി. മൂന്ന് മുതൽ ആറ് സെക്കൻഡ് വരെ പ്രകമ്പനം നീണ്ടുനിന്നു. വിജയപുരയിലെ കന്നൂർ ഗ്രാമത്തിൽ 40 കിലോമീറ്റർ ചുറ്റളവിൽ പ്രകമ്പനം അനുഭവപ്പെട്ടു.

അതേസമയം, കർണാടകയുടെ തീരമേഖലയിൽ കനത്ത മഴ തുടരുകയാണ്. മണ്ണിടിഞ്ഞ് വീണും മരം വീണും നിരവധി വീടുകൾക്ക് നാശനഷ്ടമുണ്ടായി.

മംഗ്ഗൂരു, ഉഡുപ്പി, ചിക്കമംഗ്ലൂരു, ദക്ഷിണ കന്നഡ എന്നിവടങ്ങളിൽ താഴ്ന്ന മേഖലയിലെ വീടുകളിൽ വെള്ളം കയറി. കൃഷ്ണ നദി തീരം വെള്ളപ്പൊക്ക ഭീഷണിയിലാണ്. വ്യാപക കൃഷി നാശവുണ്ടായി. ഈ മേഖലകളിൽ ദുരിതാശ്വാസ ക്യാമ്പുകൾ തുറന്നു.

Eng­lish summary;Light earth­quake in Karnataka

You may also like this video;