നിലമ്പൂരിൽ എം സ്വരാജ് എൽഡിഎഫ് സ്ഥാനാർത്ഥി

നിലമ്പൂരിൽ സിപിഐ(എം) സംസ്ഥാന സെക്രട്ടേറിയറ്റ് അംഗം എം സ്വരാജ് എൽഡിഎഫ് സ്ഥാനാർത്ഥിയായി മത്സരിക്കും. സിപിഐ(എം) സംസ്ഥാന സെക്രട്ടേറിയറ്റ് യോഗത്തിന് ശേഷം സെക്രട്ടറി എം വി ഗോവിന്ദനാണ് സ്ഥാനാര്‍ത്ഥിയെ പ്രഖ്യാപിച്ചത്. ഇതോടെ നിലമ്പൂരില്‍ മത്സരം കടുക്കും. മുൻ
തൃപ്പുണിത്തറ എംഎൽഎ ആയ സ്വരാജ് എസ് എഫ് ഐ മുൻ സംസ്ഥാന സെക്രട്ടറിയായിരുന്നു. നിലമ്പൂർ നിയോജക മണ്ഡലം സ്വദേശിയാണ് സ്വരാജ്. പി വി അൻവർ സ്വീകരിച്ച രാഷ്ട്രീയ നിലപാടിന് നിലമ്പൂരിലെ ജനങ്ങൾ മറുപടി നൽകുമെന്ന് സിപിഐ (എം) സംസ്ഥാന സെക്രട്ടറി എം വി ഗോവിന്ദൻ വാർത്താ സമ്മേളനത്തിൽ പറഞ്ഞു. ഇടതു മുന്നണിയെ ഒറ്റു കൊടുത്ത യൂദാസാണ് അൻവറെന്നും അദ്ദേഹം പറഞ്ഞു.