ബിഎംഎസ് പ്രൈവറ്റ് ബസ് മോട്ടോര്‍ മസ്ദൂര്‍ സംഘം മുന്‍ ജില്ലാ പ്രസിഡന്റ് അടക്കം സിപിഐയില്‍ ചേര്‍ന്നത് നിരവധി പ്രവര്‍ത്തകര്‍. ബിജെപി പാറക്കടവ് ഏരിയാ പ്രസിഡന്റ് , കട്ടപ്പന മണ്ഡലം സെല്‍ കോ-ഓര്‍ഡിനേറ്റര്‍ എന്നീ ചുമതലകള്‍ വഹിച്ചിരുന്ന പ്രസാദ് വിലങ്ങുപാറയും സഹപ്രവര്‍ത്തകരുമാണ് സിപിഐയില്‍ എത്തിയത്.
സിപിഐ ജില്ലാ സെക്രട്ടറി കെ സലിംകുമാര്‍ രക്തഹാരം അണിയിച്ചു സ്വീകരിച്ചു. കട്ടപ്പനയിലെ പ്രധാന പൊതുപ്രവര്‍ത്തകനായ പ്രസാദ് കട്ടപ്പന മുനിസിപ്പല്‍ തെരഞ്ഞെടുപ്പില്‍ സ്ഥാനാര്‍ഥിയായി പാറക്കടവ് വാര്‍ഡില്‍ ശ്രദ്ധേയ പ്രകടനം കാഴ്ചവച്ചിരുന്നു. സിപിഐ കട്ടപ്പന മണ്ഡലം സെക്രട്ടറി വി.ആര്‍ ശശി, എഐവൈഎഫ് ജില്ലാ പ്രസിഡന്റ് വി.എസ് അഭിലാഷ്, കിസാന്‍സഭ ജില്ലാ സെക്രട്ടറി ടി സി കുര്യന്‍, കെ. എസ് രാജന്‍, കെ ആര്‍ ജനാര്‍ദ്ദനന്‍ നായര്‍, ലോക്കല്‍ കമ്മറ്റി സെക്രട്ടറിമാര്‍, എഐവൈഎഫ് ജില്ലാ ജോയിന്റ് സെക്രട്ടറി സനീഷ് മോഹനന്‍ എന്നിവര്‍ പങ്കെടുത്തു.
English Summary: Many people joined CPI including BMS leaders
You may also like this video
