അറ്റന്‍ഡന്‍സിലുണ്ടായ ചില തകരാറുകള്‍ മൂലം മഹാരാഷ്ട്രയിലെ വര്‍ധ ജില്ലയില്‍ രണ്ടാം വര്‍ഷ എം.ബി.ബി.എസ് വിദ്യാര്‍ത്ഥിനി കോളജ് ഡീന്‍റെ ഓഫീസില്‍ നിന്നും ചാടി ആത്മഹത്യ ചെയ്തു.സാവംഗിയിലെ ദത്ത മേഘെ ഇന്‍സ്റ്റിറ്റ്യൂട്ട് ഓഫ് ഹയര്‍ എജ്യുക്കേഷന്‍ ആന്‍ഡ് റിസര്‍ച്ചുമായി അഫിലിയറ്റ് ചെയ്ത ജവഹര്‍ലാല്‍ മെഡിക്കല്‍ കോളജിലെ വിദ്യാര്‍ത്ഥിനിയാണ് ഇന്നലെ ആത്മഹത്യ ചെയ്തത്.20കാരിയായ വിദ്യാര്‍ത്ഥി നാഗ്പൂര്‍ സ്വദേശിനിയാണെന്നും പൊലീസ് വൃത്തങ്ങള്‍ അറിയിച്ചു.കുട്ടിയുടെ അറ്റൻ്‍ഡന്‍സുമായി ബന്ധപ്പെട്ട് പ്രശ്നങ്ങള്‍ നിലനിന്നിരുന്നെന്നും ഇത് മൂലം ചില പരീക്ഷകള്‍ എഴുതാന്‍ അനുവദിച്ചിരുന്നില്ലെന്നും പ്രാഥമിക അന്വേഷണത്തില്‍ കണ്ടെത്തിയതായി ഉദ്യാേഗസ്ഥര്‍ അറിയിച്ചു.
4ാം നിലയിലുള്ള കോളജ് ഡീന്‍റെ ഓഫീസില്‍ നിന്നും കുട്ടി ചാടുകയും തലയില്‍ ഗുരുതരമായി പരിക്കേറ്റ് മരണപ്പെടുകയുമായിരുന്നു.അപകട മരണത്തിന് പൊലീസ് കേസെടുത്തിട്ടുണ്ട്.
English Summary;Medical student jumps to death from college dean’s office in Maharashtra
You may also like this video
