ഹേമാ കമ്മിറ്റി റിപ്പോര്ട്ട് സംബന്ധിച്ച് ചിലര് തെറ്റിദ്ധാരണ പരത്തുന്നുവെന്ന് മന്ത്രി സജി ചെറിയാന്. മുഖ്യമന്ത്രി പ്രത്യേകം താല്പര്യമെടുത്താണ് ഹേമാ കമ്മിറ്റി രൂപീകരിച്ചത്. റിപ്പോര്ട്ടിന്റെ അടിസ്ഥാനത്തില് നടപടികളെല്ലാം സ്വീകരിച്ചിട്ടുണ്ട്. നടപടികള് വിശദീകരിക്കാന് വാര്ത്താ സമ്മേളനം വിളിക്കുമെന്നും അദ്ദേഹം അറിയിച്ചു.
റിപ്പോര്ട്ടിനെ കുറിച്ച് തെറ്റിദ്ധാരണാജനകമായ കാര്യങ്ങളാണ് പലരും പറഞ്ഞുകൊണ്ടിരിക്കുന്നത്. സിനിമാനയം വന്നതും നിയമനിര്മാണം നടത്തുന്നതും അടുത്തമാസം കോണ്ക്ലേവ് തീരുമാനിച്ചതും അതിന്റെ ഭാഗമാണ്. ഇതൊന്നും അറിയാത്ത ആളുകളല്ല ചില കമന്റുകള് പറയുന്നതെന്നും അദ്ദേഹം കൂട്ടിച്ചേര്ത്തു.