പുൽപ്പള്ളിയിൽ നിന്നും കാണാതായ പതിനാറുകാരിയെ മരിച്ച നിലയില് കണ്ടെത്തി. പുല്പ്പള്ളി മീനംകൊല്ലി കനിഷ്ക നിവാസില് കുമാരന്റെ മകള് കനിഷ്കയെ (16) ആണ് മരിച്ച നിലയിൽ കണ്ടെത്തിയത്. ടൗണിനോട് ചേര്ന്നുള്ള കൃഷിയിടത്തില് തൂങ്ങിയ നിലയിലായിരുന്നു മൃതദേഹം.
പത്താം ക്ലാസ് വിദ്യാർത്ഥിനിയായ കനിഷ്കയെ ഞായറാഴ്ച രാത്രി മുതല് വീട്ടില് നിന്ന് കാണാതായതായി ബന്ധുക്കള് പുൽപള്ളി പൊലീസിൽ പരാതി നല്കിയിരുന്നു. തുടര്ന്ന് പൊലീസ് അന്വേഷണം നടക്കുന്നതിനിടെയാണ് തിങ്കളാഴ്ച ഉച്ചയോടെ കനിഷ്കയുടെ മൃതദേഹം കണ്ടെത്തിയത്. പൊലീസ് സ്ഥലത്തെത്തി തുടര്നടപടികൾ സ്വീകരിച്ചു.