ആലപ്പുഴ കുത്തിയതോടില്‍ ഒന്നര വയസ്സുള്ള കുഞ്ഞിനെ മർദ്ദിച്ച സംഭവത്തിൽ അമ്മയെയും സുഹൃത്തിനെയും പൊലീസ് കസ്റ്റഡിയിലെടുത്തു. കുത്തിയതോട് പൊലീസ് ആണ് ഇവരെ അർത്തുങ്കലിൽ നിന്നും കസ്റ്റഡിയിലെടുത്തത്. കഴിഞ്ഞദിവസമാണ് ശരീരത്തിൽ ഗുരുതരമായി പരിക്കേറ്റ കുഞ്ഞിനെ അച്ഛന്റെ അടുത്ത് അമ്മയുടെ സുഹൃത്ത് എത്തിക്കുന്നത്. കുട്ടിയുടെ അച്ഛനുമായി പിണങ്ങി കഴിയുകയായിരുന്ന അമ്മ മറ്റൊരു സുഹൃത്തിനൊപ്പമാന് താമസിച്ചിരുന്നത്. ഇവരോടൊപ്പം ആണ് ഈ ഈ കുട്ടിയും താമസിച്ചിരുന്നത്.
കുട്ടിയെ അമ്മയും അമ്മയുടെ സുഹൃത്തും ചേർന്ന് മർദ്ദിക്കുകയായിരുന്നു എന്ന് കുട്ടിയുടെ അച്ഛൻ പൊലീസിന് നൽകിയ മൊഴിയില്‍ പറയുന്നു. ഇതിന്റെ അടിസ്ഥാനത്തിലാണ് പൊലീസ് ഇരുവരെയും കസ്റ്റഡിയിലെടുത്തത്. പരിക്കേറ്റ കുട്ടി ആലപ്പുഴ മെഡിക്കൽ കോളജ് ആശുപത്രി ചികിത്സയിലാണ്. സംഭവത്തില്‍ കുട്ടിയുടെ അമ്മയ്ക്കും സുഹൃത്തിനുമെതിരെ പൊലീസ് ജാമ്യമില്ല വകുപ്പ് പ്രകാരം കേസെടുത്തു. ചോദ്യം ചെയ്തതിനുശേഷം പ്രതികളെ അറസ്റ്റ് ചെയ്തേക്കുമെന്നും പൊലീസ് പറഞ്ഞു.
English Summary: Mother and friend who beat up a one and a half year old boy are in police custody
You may also like this video
