കൊൽക്കത്തയിൽ വൻ അക്രമം.ഏഴ് വയസ്സുകാരിയുടെ മരണത്തിന് പിന്നാലെയാണ് പ്രതിഷേധക്കാർ റോഡുകൾ തടയുകയും വാഹനങ്ങളും കടകളും തീവെക്കുകയും ചെയ്തത്. പല സ്ഥലങ്ങളിലും ആളുകള്‍ തീവണ്ടികൾ തടഞ്ഞു.
ശ്രീദർ റോയ് റോഡ് സ്വദേശിനിയായ ഏഴ് വയസ്സുകാരിയെ 26നാണ് കാണാതായത്. മണിക്കൂറുകളുടെ തിരച്ചിലിന് ശേഷം കുട്ടിയുടെ മൃതദേഹം അതേ പ്രദേശത്തെ മറ്റൊരു ഫ്ലാറ്റിൽ നിന്ന് കണ്ടെത്തുകയായിരുന്നു. ഫ്ലാറ്റുടമയെ അറസ്റ്റ് ചെയ്ത പൊലീസ് കുട്ടിയുടെ മൃതദേഹം പോസ്റ്റ്മോർട്ടത്തിന് അയച്ചു. കുട്ടിക്ക് ദേഹോപദ്രവം ഏൽക്കേണ്ടിവന്നിട്ടുണ്ടോ എന്ന കാര്യവും പരിശോധിച്ചു വരികയാണ്.
അതേസമയം കുട്ടിയുടെ മൃതദേഹം കണ്ടെത്തിയ ഉടനെത്തന്നെ നഗരത്തിൽ അക്രമം പൊട്ടിപ്പുറപ്പെട്ടു. നിരവധി പേർ തെരുവിലിറങ്ങി പൊലീസിനെതിരെയും അധികാരികൾക്കെതിരെയും മുദ്രവാക്യം വിളിച്ചത്.ഇതാണ് പിന്നീട് അക്രമത്തിലേക്ക് മാറിയത്. പലയിടത്തും പൊലീസിന് നേരെയും പൊലീസ് ഔട്ട്പോസ്റ്റുകൾക്ക് നേരെയും കല്ലേറുണ്ടായി. അക്രമികൾ കടകൾ തകർക്കുകയും വാഹനങ്ങൾക്ക് തീ വെയ്ക്കയുകയും ചെയ്തു.
English Summary;Murder of seven-year-old girl; Massive protest in Kolkata
You may also like this video
