കേരളത്തിലും തമിഴ്നാട്ടിലുമുള്ള ഗോകുലം സ്കൂളുകളുടെ കലോത്സവം “നവരസ-23” ഒക്ടോബർ 26,27 തിയ്യതികളിൽ ഗുരുവായൂരിൽ നടക്കും. ഗോകുലം പബ്ലിക് സ്കൂളിൽ വച്ച് നടക്കുന്ന കലോത്സവത്തിൽ 1500 ഓളം പ്രതിഭകൾ മാറ്റുരയ്ക്കും. പരിപാടിയുടെ വിജയത്തിനായി ഗോകുലം ഗോപാലൻ മുഖ്യ രക്ഷാധികാരിയും പത്മശ്രീ കലാമണ്ഡലം ഗോപിയാശാൻ അദ്ധ്യക്ഷനും ഗോകുലം ഗുരുവായൂർ പ്രിൻസിപ്പൽ ശ്രീജിത്ത് കെ. പി. ജനറൽ കൺവീനറുമായുള്ള ആയിരത്തൊന്നംഗ സ്വാഗതസംഘം രൂപീകരിച്ചു. എളവള്ളി ഗ്രാമപഞ്ചായത്ത് പ്രസിഡന്റ് ജിയോഫോക്സിന്റെ അദ്ധ്യക്ഷതയിൽ നടന്ന യോഗത്തിൽ ഗോകുലം ഗോപാലൻ ലോഗോ പ്രകാശനം ചെയ്തു. ഗോകുലം സ്കൂളുകളുടെ ഡയരക്ടർ, പ്രൊഫ. സണ്ണി ഫ്രാൻസിസ്, വാർഡ് മെമ്പർ ശ്രീബിത ഷാജി, സുധീർ ടി. ജി., അഭിലാഷ് കെ. ആർ, സിതാര ധനനാഥ്, ശ്രീജിത്ത് കെ. പി., ബിജു എസ്. പിള്ള തുടങ്ങിയവർ സംസാരിച്ചു.
English Summary: Navarasa-23” on October 26 and 27
You may also like this video
