നവരാത്രി സർഗ്ഗോത്സവത്തോടനുബന്ധിച്ച് ഈ വർഷം മുതൽ ഏർപ്പെടുത്തിയ നവരാത്രി സർഗ്ഗ പ്രതിഭാ പുരസ്കാരം ലോക പ്രശസ്ത തോൽപ്പാവക്കൂത്ത് കലാകാരൻ പത്മശ്രീ രാമചന്ദ്ര പുലവർക്ക് സമർപ്പിക്കും. കലാ-സംസ്കാരം- സാഹിത്യം എന്നീ മേഖലകളിൽ നൽകിയ സമഗ്ര സംഭാവനയെ മുൻനിർത്തിയാണ് പുരസ്കാരം നൽകുന്നത്. 20,001 രൂപയും പ്രശസ്തിപത്രവും ഫലകവുമടങ്ങുന്നതാണ് പുരസ്കാരം. പി നാരായണ കുറുപ്പ്, കൈതപ്രം ദാമോദരൻ നമ്പൂതിരി, യു കെ കുമാരൻ, യു പി സന്തോഷ്, രജനി സുരേഷ് എന്നിവരടങ്ങിയ ജൂറിയാണ് അവാർഡ് ജേതാവിനെ തെരഞ്ഞെടുത്തത്. ഒക്ടോബര്‍ നാലിന് വൈകിട്ട് 5.30 ന് കേസരി പരമേശ്വരീയം ഹാളിൽ നടക്കുന്ന സാംസ്കാരിക സമ്മേളനത്തിൽ പ്രമുഖ കായികതാരം പി ടി ഉഷ എംപി പുരസ്കാരം സമ്മാനിക്കും. ജെഎൻയു വൈസ് ചാൻസിലർ പ്രൊഫ. ശാന്തിശ്രീ ദുലിപുടി പണ്ഡിറ്റ് സമ്മേളനം ഉദ്ഘാടനം ചെയ്യും.
English Summary: Navratri Sargga Pratibha Award to Ramachandra Pula
You may like this video also
