നേമം കൊച്ചുവേളി റെയിവേ സ്റ്റേഷനുകൾ ഇനി പുതിയ പേരുകളിൽ അറിയപ്പെടും.ഇരു റെയിൽവേ സ്റ്റേഷനുകളുടെയും പേര് മാറ്റിക്കൊണ്ടുള്ള സർക്കാർ വിജ്ഞാപനം പുറത്തിറങ്ങി.നേമം തിരുവനന്തപുരം സൌത്ത് എന്നും കൊച്ചു വേളി തിരുവനന്തപുരം നോർത്ത് റെയിൽവേ സ്റ്റേഷൻ എന്ന പേരിലുമായിരിക്കും ഇനി അറിയപ്പെടുക.
കേരളത്തിന് പുറത്തുള്ള യാത്രക്കാർക്ക് കൊച്ചുവേളി എന്ന പേര് പരിചിതമല്ലാത്തതിനാൽ തിരുവനന്തപുരം സെൻട്രലിലേക്ക് റിസർവേഷൻ ലഭിക്കാത്ത അവസരങ്ങളിൽ യാത്ര വേണ്ടന്ന് വയ്ക്കുന്ന സാഹചര്യങ്ങൾ ഉടലെടുത്തിരുന്നു.പേരുമാറ്റം നിലവിൽ വന്നതോടെ ഈ പ്രശ്നത്തിന് പരിഹാരമാകുമെന്നാണ് പ്രതീക്ഷ.കൂടാതെ ഈ രണ്ട് സ്റ്റേഷനുകളും തിരുവന്തപുരം സെൻട്രൽ റെയിൽവേ സ്റ്റേഷൻറെ സാറ്റ്‌ലൈറ്റ് ടെര്‍മിനലുകളാക്കാനുള്ള നടപടികളുംസജീവമാകും.നേമം ടെർമിനൽ വികസനത്തിനും ഈ പേരുമാറ്റം ഗുണം ചെയ്യും.