ബിഹാര് മുഖ്യമന്ത്രിയായി പത്താം തവണയും നിതീഷ് കുമാര് അധികാരമേറ്റു. ബിജെപിയുടെ സാമ്രാട്ട് ചൗധരിയും വിജയ് കുമാർ സിന്ഹയുമാണ് ഉപമുഖ്യമന്ത്രിമാർ. കഴിഞ്ഞ ദിവസം ചേർന്ന എൻഡിഎ സംയുക്ത നിയമസഭാകക്ഷി യോഗം നിതീഷിനെ നേതാവായി തെരഞ്ഞെടുത്തിരുന്നു.
ഗാന്ധി മൈതാനത്ത് നടന്ന സത്യപ്രതിജ്ഞാ ചടങ്ങില് പ്രധാനമന്ത്രി നരേന്ദ്ര മോഡി, കേന്ദ്ര ആഭ്യന്തരമന്ത്രി അമിത്ഷാ, മഹാരാഷ്ട്ര മുഖ്യമന്ത്രി ദേവേന്ദ്ര ഫ്ഡനാവിസ്, ആന്ധ്രപ്രദേശ് മുഖ്യമന്ത്രി എന് ചന്ദ്രബാബു നായിഡു, ഗുജറാത്ത് മുഖ്യമന്ത്രി ഭൂപേന്ദ്ര പട്ടേല് തുടങ്ങിയവര് പങ്കെടുത്തു.