യുഎസിന് കനത്ത തിരിച്ചടിയുമായി ചൈന. സെപ്റ്റംബര് മാസം യുഎസില് നിന്നുള്ള സോയാബീന് ഇറക്കുമതി നടത്താതെ ചൈന. ചൈനീസ് വ്യാപാരികള് അമേരിക്കന് ഇറക്കുമതി ഒഴിവാക്കിയതാണ് കാരണം. ഇത്തവണ യുഎസില് നിന്നുള്ള ഇറക്കുമതിയുടെ അളവ് പൂജ്യമാണ്. 2018 നവംബറിന് ശേഷം ഇതാദ്യമായാണ് ഇങ്ങനെ സംഭവിക്കുന്നത്.
17 ലക്ഷം മെട്രിക് ടണ് ഇറക്കുമതിയാണ് കഴിഞ്ഞ വര്ഷം ഇതേ സമയം നടന്നത്. ലോകത്തിലെ ഏറ്റവും വലിയ സോയാബീന് ഇറക്കുമതിക്കാരാണ് ചൈന. ചൈനയുടെ ഈ തീരുമാനം അമേരിക്കന് കര്ഷകര്ക്ക് കോടികളുടെ നഷ്ടമുണ്ടാക്കുമെന്നാണ് റിപ്പോര്ട്ട്.