കഞ്ചാവുമായി ഒഡീഷ സ്വദേശി എക്സൈസ് പിടിയിൽ

കഞ്ചാവുമായി ഒഡീഷ സ്വദേശി എക്സൈസിൻറെ പിടിയിലായി. ഒഡീഷയിലെ ശ്രീധർ ബോയ് ( 33) ആണ് പിടിയിലായത്.
ഓണം സ്‌പെഷൽ ഡ്രൈവിന്റെ ഭാഗമായി തളിപ്പറമ്പ് എക്സൈസ് റേഞ്ച് അസി: ഇൻസ്പെക്ടർ
അഷ്‌റഫ്‌ മലപ്പട്ടവും സംഘവും തളിപ്പറമ്പ് റെയിഞ്ച് പരിധിയിലെ വിവിധ ഭാഗങ്ങളിൽ നടത്തിയ പരിശോധനയിൽ കുറുമാത്തൂർ ബാവുപറമ്പിൽ വെച്ചാണ് 12ഗ്രാം ഉണക്ക കഞ്ചാവുമായി പ്രതി പിടിയിലായത്. പ്രതിയുടെ പേരിൽ എൻ ഡി പി എസ് കേസെടുത്തു.
ഗ്രേഡ് അസി: എക്സൈസ് ഇൻസ്പെക്ടർ പി പി മനോഹരൻ,പ്രിവന്റ്റീവ് ( ഗ്രേഡ്) ഓഫീസർമാരായ നികേഷ്, ഫെമിൻ, വനിത സിവിൽ എക്സൈസ് ഓഫീസർ എൻ സുജിത എന്നിവരും റെയ്ഡിൽ പങ്കെടുത്തു.