അമ്മയും കാമുകനും ചേര്‍ന്ന് കുട്ടിയെ ക്രൂരമായി മര്‍ദിച്ചു. സംഭവത്തില്‍ ജോനകപ്പുറം സ്വദേശി നിഷിത (35), ഇവരുടെ കാമുകനായ ജോനകപ്പുറം, തോണ്ടലില്‍ പുരയിടംവീട്ടില്‍ റസൂല്‍ (19) എന്നിവരെ പൊലീസ് അറസ്റ്റ് ചെയ്തു. മൂന്നു മക്കളുടെ മാതാവായ യുവതി ദിവസങ്ങള്‍ക്കുമുമ്പ് ഇവരെ ഉപേക്ഷിച്ച് റസൂലിനൊപ്പം ഒളിച്ചോടി പോകുകയായിരുന്നു. ഇവര്‍ക്കെതിരെ ജുവനൈല്‍ ജസ്റ്റിസ് ആക്ട് പ്രകാരം കേസ് രജിസ്റ്റര്‍ ചെയ്യുകയും പിന്നിട് പിടികൂടുകയും ചെയ്തിരുന്നു.
എന്നാല്‍ യുവാവ് തന്നെ ഭീഷണിപ്പെടുത്തി തട്ടിക്കൊണ്ടുപോയതാണെന്നു കാട്ടി നിഷിത കോടതിയില്‍നിന്ന് ജാമ്യം നേടി. പിന്നീട് പുറത്തിറങ്ങിയശേഷവും റസൂലുമായി ബന്ധം തുടരുകയായിരുന്നു. ഇതു തടയാന്‍ ശ്രമിച്ചപ്പോഴാണ് പ്രതികള്‍ ചേര്‍ന്ന് പ്രായപൂര്‍ത്തിയാകാത്ത കുട്ടിയെ മര്‍ദിച്ച് അവശനാക്കിയത്.
English Summary: oman and her lover arrested for attacking child
You may also like this video
