സപ്ലൈകോയെ തകർക്കാനുള്ള സംഘടിത ശ്രമങ്ങളാണ് കേന്ദ്രം ഭരിക്കുന്ന ബിജെപിയും കോൺഗ്രസും നടത്തുന്നതെന്നും ഇതിന് ഒരു വിഭാഗം മാധ്യമങ്ങളുടെ പിന്തുണയുണ്ടെന്നും സംസ്ഥാന ജനറൽ സെക്രട്ടറി കെ പി രാജേന്ദ്രൻ പറഞ്ഞു. എഐടിയുസി രണ്ടാം ദിവസത്തെ ജില്ലാ സമ്മേളനം ഉദ്ഘാടനം ചെയ്തുകൊണ്ട് മലമ്പുഴ ഗ്രാമപഞ്ചായത്ത് ഹാളിൽ സംസാരിക്കുകയായിരുന്നു സംസ്ഥാന ജനറൽ സെക്രട്ടറി കെ പി രാജേന്ദ്രൻ.
സംസ്ഥാനത്തെ മാവേലി സ്റ്റോറുകളിലും സൂപ്പർ മാർക്കറ്റുകളിലും റെക്കോർഡ് വില്പനയാണ് ഇപ്പോൾ നടന്നു വരുന്നത് ഒരു മാർക്കറ്റിൽ ശരാശരി രണ്ട് ലക്ഷം മുതൽ 8 ലക്ഷം രൂപ വരെയാണ് വിൽപ്പന.ഇതിനു കാരണം സപ്ലൈകോയിൽ ജനങ്ങൾക്ക് ഉള്ള വിശ്വാസമാണെന്നും ഇത് തകർക്കുവാൻ ഒരു ഗൂഢശക്തികൾക്കും കഴിയില്ലെന്നും അദ്ദേഹം പറഞ്ഞു.
സപ്ലൈ കോ പ്രചാരണം നടത്തുന്നതിന് കോൺഗ്രസും ബിജെപിയും ജനങ്ങളെ തെറ്റിദ്ധരിപ്പിച്ചു കൊണ്ടിരിക്കുകയാണെന്നും ജനങ്ങൾക്ക് ആവശ്യമുള്ള എല്ലാ പലചരക്ക്- ഭക്ഷ്യവസ്തുക്കളും സംസ്ഥാനത്തെ മാവേലി സ്റ്റോറുകളിലും സപ്ലൈകോ ഓണച്ചന്തകളിലും ലഭ്യമാണെന്നും അദ്ദേഹം പറഞ്ഞു ഇത്രയും ശക്തമായ ഒരു പൊതുവിതരണ സമ്പ്രദായം രാജ്യത്ത് മറ്റെങ്ങും ഇല്ല . ഇത് തകർക്കുകയാണ് കോൺഗ്രസ് _ ബിജെപി കൂട്ടുകെട്ടിന്റെ ലക്ഷ്യമെന്നും അതിനെതിരെ നടക്കുന്ന പ്രതിഷേധങ്ങൾ ചായക്കോപ്പയിലെ കൊടുങ്കാറ്റായി മാറുമെ ന്നും അദ്ദേഹം ആരോപിച്ചു.
English Summary: Organized effort to dismantle Supplyco will not be allowed: AITUC
You may also like this video
