പഹല്ഗാം ഭീകരാക്രമണത്തിന്റെ പശ്ചാത്തലത്തില് പ്രതിരോധ മന്ത്രി രാജ്നാഥ് സിങിന്റെ അധ്യക്ഷതയില് ഇന്ന് ഡല്ഹിയില് സര്വകക്ഷി യോഗം ചേരും. കശ്മീരിലെ നിലവിലെ സാഹചര്യം വിലയിരുത്താന് മുഖ്യമന്ത്രി ഒമര് അബ്ദുള്ളയും ഇന്ന് യോഗം വിളിച്ചിട്ടുണ്ട്.
ആക്രമണത്തില് ഭീകരര്ക്കായി തിരച്ചില് ഊര്ജ്ജിതമാക്കിയിട്ടുണ്ട്. നൂറിലേറെ പേരെ ജമ്മുകശ്മീര് പൊലീസ് ചോദ്യം ചെയ്തു. പ്രദേശവാസികളില് നിന്നും കുതിരസവാരിക്കാരില് നിന്നും പൊലീസ് വിവരങ്ങള് തേടി. തിരചിലിനായി അത്യാധുനിക സംവിധാനങ്ങളും വാഹനങ്ങളാണ് എത്തിച്ചിരിക്കുന്നത്. ലെഫ്റ്റ്നെന്റ് ഗവര്ണര് മനോജ് സിന്ഹയുടെ നേതൃത്വത്തില് സുരക്ഷ അവലോകന യോഗവും ഇന്ന് ചേരും. പാകിസ്താനമായുള്ള നയതന്ത്ര ബന്ധം പരിമിതപ്പെടുത്തിയത് അടക്കം കടുത്ത നയതന്ത്ര നടപടികള്ക്ക് പിന്നാലെ ഭീകരതക്കെതിരായ സൈനിക നടപടിയില് തീരുമാനം ഉടന് ഉണ്ടാകും.