പാലക്കാട് രാഹുൽ മാങ്കൂട്ടത്തിനെതിരെ പ്രതികരിച്ചു; രമേശ് ചെന്നിത്തലക്കെതിരെ കയ്യേറ്റ ശ്രമവുമായി കോൺഗ്രസ് പ്രവർത്തകർ

രാഹുൽ മാങ്കൂട്ടത്തിനെതിരെ മാധ്യമ പ്രവർത്തകരോട് പ്രതികരിച്ച രമേശ് ചെന്നിത്തലക്കെതിരെ കയ്യേറ്റ ശ്രമവുമായി കോൺഗ്രസ് പ്രവർത്തകർ. പാലക്കാട്‌ കുത്തന്നൂരിൽ ആണ്‌ സംഭവം. മാധ്യമപ്രവർത്തകരുടെ ചോദ്യങ്ങൾക്ക് രമേശ് ചെന്നിത്തല മറുപടി നൽകുന്നതിനിടെയാണ് കോണ്‍ഗ്രസ് പ്രവർത്തകർ പ്രകോപിതരായത്.

ശബരിമലയിലെ സ്വർണ കടത്തുമായി ബന്ധപ്പെട്ട വിവരങ്ങൾ ചോദിക്കൂ എന്നു പറഞ്ഞാണ് കോണ്‍ഗ്രസ് പ്രവർത്തകർ ചെന്നിത്തലയെ വളഞ്ഞത്. ഇടപെടരുത്, താൻ മറുപടി പറയുകയാണ് എന്നു ചെന്നിത്തല പറഞ്ഞിട്ടും കോണ്‍ഗ്രസ് പ്രവർത്തകർ പിന്മാറിയില്ല. ചെന്നിത്തല പ്രതികരണത്തിന് ശേഷം പോയിട്ടും കോണ്‍ഗ്രസ് പ്രവർത്തകർ മാധ്യമപ്രവർത്തകരോട് തട്ടിക്കയറുന്നത് തുടർന്നു.