പാര്‍ലമെന്‍റ് ശൈത്യകാല സമ്മേളനം നവംബര്‍ 25 മുതല്‍ ഡിസംബര്‍ വരെ നടക്കുമെന്ന് പാര്‍ലമെന്‍ററി കാര്യ മന്ത്രി കിരണ്‍ റിജ്ജു എക്സിലൂടെ കുറിച്ചു. ഭരണഘടനാ വാര്‍ഷികത്തോടനുബന്ധിച്ചുള്ള പ്രത്യേക പരിപാടി പാര്‍ലമെന്‍റ് സെഷന്‍റെ രണ്ടാം ദിവസമായ നവംബര്‍ 26നോ ഭരണഘടനാ ദിനത്തിലോ നടക്കും. 4 സംസ്ഥാനങ്ങളിലെ തെരഞ്ഞെടുപ്പിന് ശേഷമുള്ള ആദ്യ സമ്മേളനം എന്ന പ്രത്യേകതയും ഇതിനുണ്ട്.
വഖഫ് ബില്ലിലെ വിവാദ ഭേദഗതികളും സര്‍ക്കാരിന്‍റെ ഒരു രാഷ്ട്രം ഒരു തെരഞ്ഞെടുപ്പ് എന്ന നി‍ര്‍ദ്ദേശവും പാര്‍ലമെന്‍റ് സമ്മേളനത്തിലെ വിവാദ ചര്‍ച്ചകളാകാന്‍ സാധ്യതയുണ്ട്. ഭരണകക്ഷിയായ ബിജെപിയുടെ ജഗദംബിക പാലിന്‍റെ നേതൃത്വത്തിലുള്ള ഒരു സംയുക്ത കമ്മിറ്റി ഇപ്പോള്‍ വഖഫ് ബില്ല് ഭേദഗതിയെക്കുറിച്ചുള്ള പഠനം നടത്തിവരികയാണ്.
നവംബര്‍ 29ന് കമ്മിറ്റി ഇത് സംബന്ധിച്ച റിപ്പോര്‍ട്ട് പാര്‍ലമെന്റില്‍ സമര്‍പ്പിക്കാന്‍ സാധ്യതയുണ്ട്.