കേരള പൊലീസ് അസോസിയേഷൻ , കേരള പൊലീസ് ഓഫീസേഴ്സ് അസോസിയേഷൻ തൃശ്ശൂർ റൂറൽ ജില്ലാ കമ്മിറ്റികളുടെ ആഭിമുഖ്യത്തിൽ ഇരിങ്ങാലക്കുട കാട്ടുങ്ങചിറയിലുള്ള സാന്ത്വന സദനത്തിൽ ഓണാഘോഷം സംഘടിപ്പിച്ചു. തൃശ്ശൂർ റൂറൽ ജില്ലാ പൊലീസ് മേധാവി ഐശ്വര്യ ഡോങ്റേ ഉദ്‌ഘാടനം ചെയ്തു.
കേരള പൊലീസ് അസോസിയേഷൻ തൃശ്ശൂർ റൂറൽ ജില്ലാ പ്രസിഡന്റ് കെ കെ രാധാകൃഷ്ണൻ അധ്യക്ഷനായി. എഎസ്‌പി പ്രദീപ് എൻ വെയിൽസ് മുഖ്യപ്രഭാഷണം നടത്തി. ഡിവൈഎസ്‌പിമാരായ ടി എസ് സിനോജ്, ഷാജ് ജോസ്, എസ് വൈ സുരേഷ് , എൻ എസ് സലീഷ് , എം ഉല്ലാസ് കുമാർ, കെപിഎ ജില്ലാ സെക്രട്ടറി എം എൽ വിജോഷ്, ജില്ലാ നിർവാഹക സമതി അംഗം വി വി ജിജി എന്നിവർ സംസാരിച്ചു. കെപിഎ ജില്ലാ പ്രസിഡന്റ് വി ശബരികൃഷ്ണൻ , കെപിഒഎ ജില്ലാ സെക്രട്ടറി കെ പി രാജു, സംഘടനാ ഭാരവാഹികൾ, പൊലീസ് ഉദ്യോഗസ്ഥർ, സ്വാന്തന സദനത്തിലെ സിസ്റ്റേഴ്സ്, അന്തേവാസികൾ തുടങ്ങിയവർ ചടങ്ങിൽ പങ്കെടുത്തു . കൊറ്റനെല്ലൂർ സമയ കലാഭവൻ അവതരിപ്പിച്ച നാടൻ പാട്ട് ആഘോഷത്തിന് മാറ്റുകൂട്ടി.
English Summary: Police Association Onagosham 2023
You may also like this video
