ന്യു ഇയര്‍ രാത്രിയില്‍ വില്പനയ്ക്കായി ചാരായവുമായി എത്തിയ വിദ്യാര്‍ത്ഥിയെ നെടുങ്കണ്ടം പൊലീസ് പിടികൂടി. രാമക്കല്‍മേട് സ്വദേശി കിഴക്കനാലില്‍ വീട്ടില്‍ ജിതിനെ(20)യാണ് ശനിയാഴ്ച രാത്രി 11 മണിയ്ക്ക് അമ്മാന്‍പടിയില്‍ സഞ്ചിയുമായി നിന്ന ജിതിനെ സംശയം തോന്നിയതിനെ തുടര്‍ന്ന് നടത്തിയ പരിശോധനയിലാണ് വാറ്റുചാരായം പിടികൂടിയത്. ബൈക്കില്‍ എത്തിയ യുവാവ് ഓരോ വീതമുള്ള മൂന്ന് കവറിലാക്കിയാണ് സൂക്ഷിച്ചിരുന്നത്. മറ്റാരില്‍ നിന്നോ വാങ്ങിയ അഞ്ച് ലിറ്റര്‍ വാറ്റുചാരായമാണ് ലിറ്ററിന് 800 കണക്കില്‍ പ്രതി വിറ്റിരുന്നത്.
പ്രതിയെ ഇന്ന് തൊടുപുഴ കോടതിയില്‍ ഹാജരാക്കും. രാത്രി പെട്രോളിങ്ങിന് ഇറങ്ങിയ നെങ്കണ്ടം എസ്എച്ച്ഒ ബിഎസ് ബിനു, എസ് ഐ സജീവന്‍, സിപിഒ അരുണ്‍ കൃഷണ സാഗര്‍, സഞ്ചു സജീവന്‍, അനില്‍കൃഷ്ണ, എഎസ്‌ഐ ബിന്ദു എന്നിവരുടെ നേത്യത്വത്തിലുള്ള സംഘമാണ് ചാരായം പിടികൂടിയത്.