ഡിസിസി ട്രഷറര് എന്എം വിജയന്റ ആത്മഹത്യയുമായി ബന്ധപ്പെട്ട് വയനാട് ഡിസിസി ഓഫീസില് പൊലീസ് പരിശോധന. ബത്തേരി ഡിവൈഎസ്പി കെകെ അബ്ദുള് ഷെരീഫിന്റെ നേതൃത്വത്തിലുള്ള സംഘം ഇന്ന് വൈകിട്ട് 3 മണിയോടെ ഡിസിസി ഓഫീസിലെത്തുകയും 20 മിനിറ്റോളം നീണ്ട പരിശോധന നടത്തുകയും ചെയ്തു. ഡിസിസി പ്രസിഡന്റ് എന്ഡി അപ്പച്ചനെയും മുന് ഡിസിസി ട്രഷറര് കെകെ ഗോപിനാഥിനെയും രണ്ടാം ദിവസവും ചോദ്യം ചെയ്യുന്നത് തുടരുന്നതിനിടെയാണ് ഡിസിസി ഓഫീസിലെ പരിശോധന. പരിശോധന സംഘം എന്ഡി അപ്പച്ചനെയും ഓഫീസിലേക്ക് കൊണ്ട് വന്നിരുന്നു.
മുന് ബാങ്ക് ചെയര്മാന് ഡോ.സണ്ണി ജോര്ജിന്റെ വീട്ടിലും സംഘം പരിശോധന നടത്തി. ഈ മാസം 23,24,25 തീയതികളില് ഐസി ബാലകൃഷ്ണന് എംഎല്എയെയും ചോദ്യം ചെയ്യും. ആവശ്യമെങ്കില് കെപിസിസി പ്രസിഡന്റ് കെ സുധാകരനെയും ചോദ്യം ചെയ്യുമെന്ന് പൊലീസ് പറഞ്ഞു.