മുംബൈ നോര്‍ത്ത് സെന്‍ട്രല്‍ മണ്ഡലത്തില്‍ ഉജ്വല്‍ നികമിനെ സ്ഥാനാര്‍ത്ഥിയാക്കി ബിജെപി. നിലവിലെ എംപി പൂനം മഹാജനെ ഒഴിവാക്കിയാണ് നികമിനെ സ്ഥാനാര്‍ത്ഥിയാക്കിയത്.
2008 മുംബൈ ഭീകരാക്രമണ കേസിലെ പബ്ലിക് പ്രോസിക്യൂട്ടറായിരുന്നു ഉജ്വല്‍ നികം. മുന്‍ കേന്ദ്ര മന്ത്രി പ്രമോദ് മഹാജന്‍, ഗുല്‍ഷന്‍ കുമാര്‍ വധക്കേസുകളിലും ഇദ്ദേഹമായിരുന്നു പബ്ലിക് പ്രോസിക്യൂട്ടര്‍.
മണ്ഡലത്തെ രണ്ടു തവണയായി പ്രതിനിധീകരിച്ച പൂനം മഹാജനെതിരെ വിരുദ്ധ വികാരമുണ്ടെന്ന സര്‍വേയുടെ അടിസ്ഥാനത്തിലാണ് ഒഴിവാക്കിയതെന്നാണ് പുറത്തുവരുന്ന വിവരം. സിറ്റിങ് എംപിയായിരുന്ന പ്രിയ ദത്തിനെ പരാജയപ്പെടുത്തിയാണ് പൂനം 2014ല്‍ വിജയം നേടിയത്. 2019ലും പ്രിയയെ തോല്പിച്ചു. മുന്‍ എംപി ഏക്‌നാഥ് ഗെയ്ക‍്‍വാദിന്റെ മകളും ധാരാവി എംഎല്‍എയുമായ വര്‍ഷ ഗെയ്ക‍്‍വാദാണ് ഇവിടെ കോണ്‍ഗ്രസിനായി മത്സരിക്കുന്നത്.
English Summary: MP Poonam Mahajan dropped: Ujwal Nikam candidate
You may also like this video
