ലോക കാൻസർ ദിനത്തോടനുബന്ധിച്ച് പട്ടം എസ് യു ടി ഹോസ്പിറ്റൽ വിവിധ അവബോധ പരപാടികൾ സംഘടിപ്പിച്ചു. കാൻസർ പോലുള്ള രോഗങ്ങൾ വരാതിരിക്കാനുള്ള ഏറ്റവും നല്ല മാർഗം പ്രതിരോധമാണ് എന്ന ആശയം മുൻനിർത്തി, ഹോസ്പിറ്റലിലെ ക്ലിനിക്കൽ ഡയറ്ററി വിഭാഗം ‘കാൻസർ പ്രിവന്റീവ് ഡയറ്റ്’ പ്രോഗ്രാം സംഘടിപ്പിച്ചു.
പരിപാടിയുടെ ഭാഗമായി വിവിധതരം കാൻസറുകളെക്കുറിച്ചും ഭക്ഷണക്രമത്തിലൂടെ കാൻസറിനെ എങ്ങനെ ചെറുക്കാം തുടങ്ങിയ ആശയങ്ങൾ ഉൾക്കൊള്ളിച്ചുള്ള എക്‌സിബിഷനും ക്ലിനിക്കൽ ഡയറ്ററി സ്റ്റ്യൂഡൻസിന്റെ ആഭിമുഖ്യത്തിൽ നടന്നു. ഇതോടൊപ്പം, കാൻസർ പ്രിവന്റീവ് ക്ലിനിക്കിന്റെയും പീഡിയാട്രിക് ഇന്റൻസീവ് കെയർ വാർഡിന്റെയും ഉഘാടനവും നടന്നു.
എസ് യു ടി ആശുപത്രിയിലെചീഫ് എക്സിക്യുട്ടീവ് ഓഫീസർ കേണൽ രാജീവ് മണ്ണാളി കര്‍മ്മം നിര്‍വ്വഹിച്ചു. മെഡിക്കല്‍ സൂപ്രണ്ട് ഡോ. വി. രാജശേഖരന്‍ നായർ. ഡോ. ലക്ഷ്മി അമ്മാൾ , ഡോ. സുശീല അനിൽകുമാർ, ചീഫ് ലയ്സൺ ഓഫീസർ രാധാകൃഷ്ണൻ നായർ, പ്രീതി ആർ നായർ തുടങ്ങിയവരും ചടങ്ങിൽ പങ്കെടുത്തു.
English Summary: Prevention is the way; Pattam SUT with concept against cancer
You may also like this video
