ഖത്തര്‍ ലോകകപ്പില്‍ അട്ടിമറികള്‍ തുടരുമ്പോള്‍ ഇത്തവണ വീണത് വമ്പന്മാരായ ബെല്‍ജിയം. ഗ്രൂപ്പ് എഫില്‍ നടന്ന പോരാട്ടത്തില്‍ ഏകപക്ഷീയമായ രണ്ട് ഗോളുകള്‍ക്കായിരുന്നു മൊറോക്കോയുടെ വിജയം. അബ്ദുള്‍ഹമീദ് സാബിരിയും സക്കരിയ അബോക്ലാലുമാണ് സ്കോറര്‍മാര്‍.
മികച്ച മുന്നേറ്റങ്ങളുമായി കളംനിറഞ്ഞിട്ടും ജപ്പാന് തോല്‍വി. ഏകപക്ഷീയമായ ഒരു ഗോളിന് കോസ്റ്റാ റിക്കയാണ് ജപ്പാനെ തകര്‍ത്തത്. ജര്‍മ്മനിയെ അട്ടിമറിച്ചെത്തിയ ജപ്പാന് കോസ്റ്റാ റിക്കയെ അനായാസം മറികടക്കാമെന്ന ഉദ്ദേശത്തോടെയാണിറങ്ങിയത്. എന്നാല്‍ അപ്രതീക്ഷിതമായി മൊറോക്കോയുടെ കെയ്ഷർ ഫുള്ളർ ജപ്പാന് ഗോള്‍വലയത്തിലേക്ക് പന്തെത്തിക്കുകയായിരുന്നു.
സൗദി അറേബ്യയോട് അട്ടിമറി തോല്‍വിയേറ്റുവാങ്ങിയ അര്‍ജന്റീനയ്ക്ക് വമ്പന്‍ തിരിച്ചുവരവ്. മെക്സിക്കോയ്ക്കെതിരായ നിര്‍ണായക മത്സരത്തില്‍ ഏകപക്ഷീയമായ രണ്ട് ഗോളുകള്‍ക്കായിരുന്നു അര്‍ജന്റീനയുടെ വിജയം. ലയണല്‍ മെസിയും എന്‍സോ ഫെര്‍ണാണ്ടസുമാണ് സ്കോറര്‍മാര്‍.
English Summary: Qatar World Cup: Belgium also fell in the coup
You may also like this video
