പാലക്കാട് നിയമസഭാ ഉപതിരഞ്ഞെടുപ്പിൽ യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിൽ വെണ്ണക്കരയിലെ ബൂത്തിൽ കയറി വോട്ട് ചോദിച്ചതിനെ തുടർന്ന് സംഘർഷം. പ്രതിഷേധവുമായി എത്തിയ ബിജെപി പ്രവർത്തകരും കോൺഗ്രസ് പ്രവർത്തകരും തമ്മിൽ സംഘർഷം ഉണ്ടായി . കോൺഗ്രസ് പ്രവർത്തകരോടൊപ്പമാണ് രാഹുൽ ബൂത്തിനുള്ളിൽ വോട്ട് ചോദിച്ച് എത്തിയത്.
പൊലീസ് ബൂത്തിൽ നിന്ന് ഇറങ്ങുവാൻ ആവശ്യപ്പെട്ടെങ്കിലും രാഹുൽ ആദ്യം വഴങ്ങിയില്ല . തുടർന്ന് പ്രതിഷേധവുമായി എൽഡിഎഫ് പ്രവർത്തകരുമെത്തി. തുടർന്ന് ബൂത്തിന് മുന്നിൽ കോൺഗ്രസ് പ്രവർത്തകരോടൊപ്പം നിലയുറപ്പിച്ച രാഹുൽ എൽ ഡി എഫ് , ബിജെപി പ്രവർത്തകരെ പ്രകോപിപ്പിക്കുന്ന തരത്തിൽ സംസാരിച്ചു . നിന്നോയൊക്കെ ഫലപ്രഖ്യാപന ദിവസം കാണണമെന്ന് രാഹുൽ വെല്ലുവിളിക്കുകയും ചെയ്‌തു .