സംസ്ഥാനത്ത് മഴ മുന്നറിയിപ്പിൽ മാറ്റം. കേന്ദ്രകാലാവസ്ഥ വകുപ്പ് 6 ജില്ലകളിൽ ഓറഞ്ച് അലേർട്ട് പ്രഖ്യാപിച്ചു. എറണാകുളം, തൃശ്ശൂർ, കോഴിക്കോട്, വയനാട്, കണ്ണൂർ കാസർഗോഡ് ജില്ലകളിലാണ് ഓറഞ്ച് അലേർട്ട്. മലപ്പുറം, പാലക്കാട്, ഇടുക്കി, കോട്ടയം, ആലപ്പുഴ ജില്ലകളിൽ യെല്ലോ അലേർട്ടാണ്. ഒറ്റപ്പെട്ട സ്ഥലങ്ങളിൽ അതിശക്തമായ മഴയാണ് പ്രവചിച്ചിരിക്കുന്നത്.
നാളെ ഒൻപത് ജില്ലകളിൽ യെല്ലോ അലേർട്ട് ആണ്. ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ആണ് നാളെ യെല്ലോ അലേർട്ട്. സംസ്ഥാനത്ത് പലയിടങ്ങളിലും കനത്ത മഴ തുടരുകയാണ്. കൊച്ചിയിൽ പല സ്ഥലങ്ങളിലും കനത്ത മഴ മൂലം വെള്ളക്കെട്ട് രൂപപ്പെട്ടു. കോഴിക്കോടും ശക്തമായ മഴ മൂലം വ്യാപകമായ നാശനഷ്ടങ്ങൾ ഉണ്ടായി.