ലോകത്തെ ഏറ്റവും മികച്ച 50 ഹോട്ടലുകളുടെ പട്ടികയില്‍ ഇടംപിടിച്ച് രാജസ്ഥാനിലെ സുജന്‍ ജവായ്.രാജസ്ഥാനിലെ പാലിയില്‍ സ്ഥിതി ചെയ്യുന്ന ഈ പ്രദേശം പുള്ളിപ്പുലികളുടെ പേരില്‍ പ്രശസ്തമാണ്.പട്ടികയില്‍ ഇടം നേടിയ ഒരേയൊരു ഇന്ത്യന്‍ ഹോട്ടലാണിത്.
ഇത്തവണ 43ാം സ്ഥാനത്ത് എത്തിയ ഹോട്ടല്‍ രണ്ടാം തവണയാണ് പട്ടികയില്‍ ഇടം നേടുന്നത്.ലണ്ടനിലെ ഗില്‍ഡ്ഹാളില്‍ വച്ച് ഹോട്ടലിന് പുരസ്‌ക്കാരവും ലഭിച്ചു.
ഈ അവാര്‍ഡ് ലഭിച്ചത് ഞങ്ങള്‍ക്ക് വലിയൊരു അംഗീകാരമാണെന്ന് പുരസ്‌ക്കാരം സ്വീകരിച്ചുകൊണ്ട് ഹോട്ടല്‍ ഉടമ ജയ്‌സാല്‍ സിംഗ് പറഞ്ഞു.
വനത്താല്‍ ചുറ്റപ്പെട്ട ഒരു പ്രദേശത്തിന് നടുവിലായാണ് ഈ ഹോട്ടല്‍ സ്ഥിതി ചെയ്യുന്നത്.