പി വി അൻവറിന്റെ യുഡിഎഫ് പ്രവേശനത്തെ ചൊല്ലി കോൺഗ്രസിൽ കലാപം. അൻവർ മുന്നണിയിൽ വേണ്ടെന്ന് സതീശൻ ഒറ്റയ്ക്ക് തീരുമാനിക്കേണ്ടെന്ന് കെ സുധാകരൻ അഭിപ്രായപ്പെട്ടു. നിലമ്പൂര് തെരഞ്ഞെടുപ്പില് അൻവർ നിർണായക ശക്തിയാണ്. അൻവറിന്റെ കയ്യിലുള്ള വോട്ട് യുഡിഎഫിന് കിട്ടിയില്ലെങ്കിൽ അത് തിരിച്ചടിയാകും. അൻവർ ഭാവിയിൽ യുഡിഎഫിന് ബാധ്യതയാകുമെന്ന് തോന്നുന്നില്ലെന്നും സുധാകരൻ കൂട്ടിച്ചേർത്തു.
അൻവറിന്റെ കാര്യത്തിൽ കോൺഗ്രസില് അഭിപ്രായ വ്യത്യാസമില്ല. മുസ്ലിം ലീഗിന് അൻവറിനെ കൊണ്ടുവരുന്നതിൽ താൽപര്യമുണ്ടെന്നും
സുധാകരൻ പറഞ്ഞു. അൻവറിനെതിരായ നേതാക്കളുടെ വികാരം സ്വാഭാവികമാണ്. മുന്നണിയിൽ വന്നിട്ട് എതിരഭിപ്രായം പറയാൻ പറ്റില്ലെന്നും അദ്ദേഹം പറഞ്ഞു.