സജി ചെറിയാന്‍ ഇന്ന് മന്ത്രിയായി സത്യപ്രതിജ്ഞ ചെയ്യും. വൈകിട്ട് നാല് മണിക്ക് രാജ്ഭവനിലാണ് സത്യപ്രതിജ്ഞ. മുഖ്യമന്ത്രിയുടെ ശുപാര്‍ശ ഗവര്‍ണര്‍ അംഗീകരിക്കുകയായിരുന്നു. വിഷയത്തില്‍ അറ്റോര്‍ണി ജനറല്‍ അടക്കമുള്ളവരുടെ നിയമോപദേശം ഗവര്‍ണര്‍ തേടിയിരുന്നു. സത്യപ്രതിജ്ഞയ്ക്ക് അനുമതി നല്‍കുകയല്ലാതെ ഭരണഘടനാപരമായി മറ്റൊന്നും ഗവര്‍ണര്‍ക്ക് ചെയ്യാനില്ലെന്ന് ഉപദേശം ലഭിച്ചതായാണ് സൂചന.
സത്യപ്രതിജ്ഞയ്ക്ക് ശേഷം വകുപ്പുകള്‍ തീരുമാനിച്ചുകൊണ്ടുള്ള വിജ്ഞാപനം പുറത്തിറങ്ങും. നേരത്തെ ഫിഷറീസ്, സാംസ്കാരികം, യുവജന ക്ഷേമം എന്നീ വകുപ്പുകളായിരുന്നു സജി ചെറിയാനുണ്ടായിരുന്നത്. ഈ വകുപ്പുകള്‍ തന്നെ അദ്ദേഹത്തിന് ലഭിക്കുമെന്നാണ് സൂചന.
English Summary: Saji Cherian swearing in today
You may like this video also
