സ്വകാര്യ വ്യക്തിയുടെ പുരയിടത്തില്‍ നിന്നും ചന്ദനം വെട്ടിക്കടത്താന്‍ ശ്രമം. രണ്ട് പേര്‍ വനം വകുപ്പിന്റെ പിടിയില്‍. കുമളി ചെല്ലാര്‍കോവില്‍ ഫോറസ്റ്റ് സെക്ഷന്‍ പരിധിയിലാണ് സംഭവം നടന്നത്. എട്ടേക്കര്‍ പുതുവലില്‍ മണലില്‍ കുഞ്ഞുമോന്‍ (48), ചെല്ലാര്‍കോവില്‍ ഒന്നാം മൈല്‍ കോണോത്തറയില്‍ തോമസ് (ജോണ്‍സണ്‍-48) എന്നിവരാണ് അറസ്റ്റിലായത്. കുഞ്ഞുമോന്റെ കൈവശ സ്ഥലത്തെ വീടിന്റെ പരിസരത്തു നിന്നും വെട്ടിയിട്ട ചന്ദന മരത്തിന്റെ കഷണങ്ങളാണ് കണ്ടെടുത്തത്. രഹസ്യ വിവരത്തെ തുടര്‍ന്നാണ് പരിശോധന നടത്തിയത്. ചന്ദന മരത്തിനൊപ്പം തൊണ്ടി ആയുധങ്ങളും കസ്റ്റഡിയിലെടുത്തു. സെക്ഷന്‍ ഫോറസ്റ്റര്‍മാരായ പി.കെ. വിനോദ്, വി.എസ്. മനോജ്, എസ്. പ്രസീദ്, ജെ. വിജയകുമാര്‍, ബി.കെ. മഞ്ചേഷ്, എം. സതീശന്‍ എന്നിവരുടെ നേതൃത്വത്തിലായിരുന്നു അറസ്റ്റ്.
English Summary: Sandalwood smuggling: Two arrested in Idukki
You may also like this video
