വിന്‍ഡീസിനെതിരായ രണ്ടാം ഏകദിനത്തില്‍ ഇന്ത്യയ്ക്ക് തകര്‍ച്ച. മികച്ച തുടക്കത്തിനുശേഷം മധ്യനിര ചീട്ടുകൊട്ടാരം പോലെ തകരുകയായിരുന്നു. ആദ്യം ബാറ്റു ചെയ്ത ഇന്ത്യ 25.5 ഓവറില്‍ അഞ്ച് വിക്കറ്റ് നഷ്ടത്തില്‍ 124 എന്ന നിലയിലാണ്.
ക്യാപ്റ്റൻ രോഹിത് ശര്‍മ്മയും മുൻ ക്യാപ്റ്റൻ വിരാട് കോലിയും ഇല്ലാതെയാണ് ഇന്ത്യ ഇറങ്ങിയത്. പകരം മലയാളി താരം സഞ്ജു സാംസണും അക്ഷര്‍ പട്ടേലും അന്തിമ ടീമില്‍ ഇടം പിടിച്ചു.
ഓപ്പണിങ് വിക്കറ്റില്‍ ഇഷാൻ കിഷനും ഗില്ലും ചേര്‍ന്ന് 90 റണ്‍സ് ചേര്‍ത്തു. 34 റണ്‍സ് എടുത്ത ഗില്‍ ആദ്യം പുറത്തായി. 55 റണ്‍സ് എടുത്ത് തുടര്‍ച്ചയായി രണ്ടാം ഇന്നിങ്സിലും അര്‍ധ സെഞ്ചുറി നേടിയ ഇഷൻ കിഷൻ പിന്നാലെ കളം വിട്ടു. സ്ഥാനക്കയറ്റം കിട്ടിയ അക്സര്‍ പട്ടേല്‍ ഒരു റണ്‍ മാത്രം സ്വന്തംപേരില്‍ കുറിച്ച് പുറത്തായി. ക്യാപ്റ്റൻ ഹാര്‍ദിക് പാണ്ഡ്യ ഏഴ് റണ്‍സ് എടുത്തും പിന്നാലെ സഞ്ജു സാംസണ്‍ ഒമ്പത് റണ്‍സെടുത്തും പുറത്തായി. ആദ്യമത്സരത്തില്‍ ഇന്ത്യ വിജയം നേടിയിരുന്നു.
English Summary; Sanju disappointed; Batting collapse for India
You may also like this video
