യുവകലാസാഹിതി ജില്ലാ സമ്മേളനത്തിന്റെ ഭാഗമായി സംഘടിപ്പിച്ച സർഗ വന്ദനത്തിന് തുടക്കം കുറിച്ചു. ജില്ലയിലെ മുതിർന്ന എഴുത്തുകാരെയും സാംസ്കാരിക പ്രവർത്തകരെയും സന്ദർശിച്ച് ആദരവ് നല്കുകയും വർഗ്ഗീയതയ്ക്കും സാംസ്കാരിക ഫാസിസത്തിനെതിരെയും കൂട്ടായ്മ സൃഷ്ടിക്കലാണ് സർഗ വന്ദനത്തിന്റെ ലക്ഷ്യം. പ്രമുഖ എഴുത്തുകാരൻ ഡോ. ജോർജ് ഓണക്കൂറിനെ ആദരിച്ചു കൊണ്ട് ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി ആർ അനിൽ സർഗ വന്ദനം ഉദ്ഘാടനം ചെയ്തു.
സാഹിത്യ നായകന്മാരാണ് ആധുനിക സമൂഹത്തിന് ദിശാബോധം നല്കിയവരെന്ന് അഡ്വ.ജി ആർ അനിൽ പറഞ്ഞു.
ചടങ്ങിൽ യുവകലാസാഹിതി ജില്ലാ സമ്മേളന സംഘാടക സമിതി ചെയർമാൻ കെ.പി.ഗോപകുമാർ, ജനറൽ കൺവീനർ ടി.എസ് ബിനുകുമാർ , യുവകലാസാഹിതി പ്രസിഡന്റ് മഹേഷ് മാണിക്കം, സെക്രട്ടറി അഡ്വ.സി.എ. നന്ദകുമാർ, വനിത കലാ സാഹിതി സെക്രട്ടറി കെ. ദേവകി എന്നിവർ പങ്കെടുത്തു.
English Summary: Sarga Vandanam of Yuva Kalasahithi has begun
You may also like this video
