പ്രായപൂര്‍ത്തിയാകാത്ത കുട്ടിയെ ലൈംഗികമായി പീഡിപ്പിച്ച കേസില്‍ ഒരു സ്‌കൂളിലെ പ്രിന്‍സിപ്പല്‍,പിടി ടീച്ചര്‍,ട്രസ്റ്റി മറ്റ് 4 പേര്‍ എന്നിവരെ മഹാരാഷ്ട്രയിലെ പൂനെ പിംപ്രി ചിംച് വാഡ് പൊലീസ് അറസ്റ്റ് ചെയ്തു.
ഇന്നലെ വൈകിട്ടാണ് പ്രതികള്‍ അറസ്റ്റിലായതെന്ന് പൊലീസ് പറഞ്ഞു.
കഴിഞ്ഞ രണ്ട് വര്‍ഷങ്ങളായി കേസിലെ മുഖ്യ പ്രതിയായ പിടി അധ്യാപകന്‍ കുട്ടിയെ നിരന്തര ലൈംഗിക പീഡനത്തിന് വിധേയയാക്കുകയായിരുന്നവെന്നാണ് അധികാരികള്‍ പറയുന്നത്.
”ഇതാദ്യമായല്ല പിടി അധ്യാപകന്‍ ഇത്തരത്തില്‍ ആരോപണ വിധേയനാകുന്നത്.ഇതിന് മുന്‍പും ഇയാള്‍ പോക്‌സോ കേസടക്കം കുറ്റകൃത്യങ്ങള്‍ക്ക് ജയില്‍ വാസം അനുഭവിച്ചിട്ടുണ്ടെന്നും അവര്‍ പറഞ്ഞു.
പീഡനത്തിന് ഇരയായ പെണ്‍കുട്ടിയുടെ പിതാവ് നല്‍കിയ പരാതി പ്രകാരം പോക്‌സോ വകുപ്പിന് കീഴിലുള്ള സെക്ഷന്‍ 74,78,79,351(2),115(2) പ്രകാരം പൊലീസ് കേസ് രജിസടര്‍ ചെയ്തിരുന്നു.