സംസ്ഥാനത്ത് കോവിഡ് വ്യാപനത്തെ തുടര്‍ന്ന് അടച്ചിട്ടിരുന്ന സ്കൂളുകളും കോളജുകളും ഇന്ന് മുതല്‍ വീണ്ടും തുറക്കും. 10, 11, 12 ക്ലാസുളാണ് ഇന്ന് ആരംഭിക്കുക. ക്ലാസുകൾക്ക് വൈകുന്നേരം വരെയാകും. നിലവിൽ ഉച്ചവരെയായിരുന്ന ക്ലാസുകളാണ് പുന:ക്രമീകരിച്ചത്. മോഡൽ പരീക്ഷയ്ക്കുള്ള തയ്യാറെടുപ്പും വിദ്യാഭ്യാസ വകുപ്പ് വേഗത്തിലാക്കി. ഒന്നു മുതൽ ഒൻപത് വരെയുള്ള ക്ലാസുകൾ ഈ മാസം 14നാണ് ആരംഭിക്കുക.
ഒന്ന് മുതൽ ഒമ്പത് വരെയുള്ള ക്ലാസുകളിലെ പ്രവർത്തന മാർഗരേഖ വിദ്യാഭ്യാസ വകുപ്പ് ഇന്ന് പുറത്തിറക്കും. ഇതിന് മുന്നോടിയായി രാവിലെ 10 മണിക്ക് മന്ത്രിയുടെ അധ്യക്ഷതയിൽ വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരുടെ യോഗം ചേരും. സ്കൂളുകൾ തുറക്കുന്ന പശ്ചാത്തലത്തിൽ വേണ്ട മുന്നോരുക്കങ്ങൾ വേഗത്തിൽ പൂർത്തിയാക്കാൽ വിദ്യാഭ്യാസമന്ത്രി നിർദേശം നൽകി. കോവിഡ് മാനദണ്ഡം പാലിച്ച് കോളജുകളിലും ക്ലാസുകൾ നടത്താൻ പ്രത്യേകം ശ്രദ്ധിക്കണമെന്ന് ഉന്നത വിദ്യാഭ്യാസ മന്ത്രി ആർ ബിന്ദു നിർദ്ദേശം നൽകിയിട്ടുണ്ട്.
ENGLISH SUMMARY: Schools and colleges will reopen from today
You may also like this video
