ഇരുചക്ര വാഹനത്തിൽ സഞ്ചരിച്ചിരുന്ന യുവതി കഴുത്തിൽ ഷാൾ കുടുങ്ങി മരിച്ചു

ഇരുചക്ര വാഹനത്തിൽ സഞ്ചരിച്ചിരുന്ന വീട്ടമ്മ കഴുത്തിൽ ഷാൾ കുടുങ്ങി മരിച്ചു. മീൻകെട്ട് മാളിയേക്കൽ മെറ്റിൽഡ (45)യാണ് മരിച്ചത്.
ഞായർ പകൽ പള്ളിയിൽ പോയി തിരികെ വീട്ടിലേക്ക് മടങ്ങും വഴി മകൻ ഓടിച്ചിരുന്ന ബൈക്കിൻ്റെ പിൻസീറ്റിൽ ഇരിക്കുകയായിരുന്ന മെറ്റിൽഡയുടെ കഴുത്തിൽ കിടന്ന ഷാൾ പിൻ ടയറിൽ കുരുങ്ങുകയും അപകടം സംഭവിക്കുകയുമായിരുന്നു. ഉടൻ അടിമാലി താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം അടിമാലി താലൂക്ക് ആശുപത്രി മോർച്ചറിയിൽ. ഭർത്താവ് : മാളിയേക്കൽ ദേവസ്യ (തങ്കച്ചൻ). ഡെന്നി, ഡാനി എന്നിവര്‍ മക്കളാണ്. 

Eng­lish Sum­ma­ry: shawl got stuck around her neck, woman died