അടുത്ത മൂന്നാഴ്ചയ്ക്കുള്ളിൽ സംസ്ഥാനത്ത് കോവിഡ് വ്യാപനം അതിതീവ്രമായിമാറുമെന്ന് ആരോഗ്യ മന്ത്രി വീണാ ജോർജ്. ജനങ്ങൾ കോവിഡ് നിയന്ത്രണം പാലിക്കണം. നിലവിൽ 78 കോവിഡ് ക്ലസ്റ്ററുകൾ സംസ്ഥാനത്തുണ്ട്. സ്ഥാപനങ്ങൾ കേന്ദ്രീകരിച്ചാണ് കൂടുതല്‍ വ്യാപനമെന്നും മന്ത്രി പറഞ്ഞു. രാഷ്ട്രീയ പാർട്ടികളുടെ സമ്മേളനങ്ങളിൽ കോവിഡ് മാനദണ്ഡങ്ങൾ പാലിക്കുന്നുണ്ട് എന്ന് ഉറപ്പു വരുത്തും. സി പി ഐ എം തിരുവനന്തപുരം സമ്മേളനത്തിൽ കോവിഡ് ബാധയുണ്ടായ സാഹചര്യത്തിൽ പ്രോട്ടോക്കോൾ പ്രകാരമുള്ള നടപടികൾ സ്വീകരിക്കുന്നതാണ്. സമ്പർക്കത്തിൽ വന്ന മുഴുവൻ പേരും ക്വാറന്റീനിൽ പോകണം. സംസ്ഥാനത്ത് മരുന്നിനു ക്ഷാമമില്ലെന്നും ആരോഗ്യമന്ത്രി പറഞ്ഞു.
കോവിഡ് വ്യാപനം ലക്ഷണങ്ങള്‍ ഇല്ലാത്തവരില്‍ നിന്നാണ് ഉണ്ടാകുന്നത്. അതിനാല്‍ത്തന്നെ മണവും രുചിയുമില്ലെന്ന കാരണത്താല്‍ ജാഗ്രതക്കുറവ് കാട്ടരുതെന്നും ആരോഗ്യമന്ത്രി വീണ ജോര്‍ജ്.
കോവിഡ് പോസിറ്റീവാണെങ്കിലും മണവും രുചിയും നഷ്ടപ്പെടുന്ന സാഹചര്യം ഒമിക്രോൺ വകഭേദത്തിനില്ല. കോവിഡ് വരുന്നവര്‍ക്ക് മണവും രുചിയും നഷ്ടപ്പെടുന്ന സാഹചര്യമുണ്ട്. കോവിഡിന്റെ ഡെല്‍റ്റ വകഭേദത്തില്‍ പ്രത്യേകിച്ച് അത് കണ്ടതാണ്. പക്ഷേ ഒമിക്രോണിലേക്ക് എത്തുമ്പോള്‍ അത് ഉണ്ടാകുന്നില്ലെന്നും മന്ത്രി പറഞ്ഞു. കോവിഡ് ലക്ഷണങ്ങളുള്ളവര്‍ പരിശോധന നടത്തണം. ലക്ഷണം ഇല്ലാത്തവരില്‍ നിന്നാണ് കോവിഡ് രോഗവ്യാപനം ഉണ്ടാകുന്നത്. അതുകൊണ്ടാണ് കോവിഡ് പ്രോട്ടോക്കോള് പാലിക്കണമെന്ന് പറയുന്നതെന്നും മന്ത്രി കൂട്ടിച്ചേർത്തു.
English Summary :Smell and taste are not lost: so do not think that it is not Kovidal: it can be Omicron: Health Minister
you may also like this video
